20 طريقه بضحك الشاب فيها على البنت...اى خدمة

**MADO**

[center][b]
اول ماالولد يشوف البنت وتعجبه بيعمل ايه؟؟
1-حبيبتى انتى عارفه انا مش بحب حركات الشباب الطايش انا اصلا مبكلمش

بنات (وتلاقى طوب الارض يعرفه)

2-يااااه حاسس انى اعرفك من زمان(وهوتلاقيه متلخبط بينها وبين بنت كان

يعرفها قبل كده)

3-يااه يا حبيبتى حاسس ان فيكى حاجه غريبه غير كل البنات (اكنها مثلا بتمشى

على ايديها ورجليها )

4-يااااااااااااه حاسس ان فى شبه كبير بين افكارى و افكارك احنا اكيد مخلوقين

لبعض(طبعا دى البنت رقم 1000 اللى بيقولها كده اكن يا عينى بنات الدنيا شبهه)

5-ياااه انتى كنتى فين من زمان يا رتنى كنت عرفتك من زمان

6-يااه يا حبيبتى انتى تؤمرى وانا انفذ اللى انتى عايزاه اجبهولك(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه

وانا بغيييييير بغيييييييييير (طبعا فاهمين الحركات دى مش محتاجه تعليق)

8-هكلم باباكى اول ماكون نفسى(موووووووووووت يا حمااااااااااار)

9-عايز اشوفك كل يوم كل ساعه كل ثانيه (عشان اصحابه يتأكدو انها حلوه)

10-حبيبتى افتكرى دايما انى لما بحب بحب بجد وانا حبيتك(الاسطوانه المعتاده)

11-انا علاقتى بيكى محدش يعرفها غيرى و غيرك و ربنا لانك بقيتى كل

خصوصياتى (يعنى يا دوب اللى يعرفو اخواتى و اصحابى و جرانى وقاريبى

وصحاب صحابى.....الخخخخ)

12-احتمال اسافر الاسبوع الجاى سويسرا ورثت عمتى (وهى عمته اصلا من

كفر ابو بطيخ وماتت من 20 سنه)

13-انا كل عطورى من فرنسا (ايوه كلونيا خمس خمسات اللى انت بتحطها)

14-ياه لما بشوف رقمك على الموبيل قلبى بيتنفض(طبعا من الخضه انها تكون

فأستك)

15-فلان قالى اديله رقمك بس انا قلتله اقتلنى قبل ماتاخد رقها منى

(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اتشاهد فى جمالك واحطها تحت المخده

(لا وهو الصادق عشان لما تتخانقو يهددك بيها)

17-اسف يا حبيبتى امبارح مقدرتش اكلمك كنت مشغوووول فى الدراسه

(قصده معهوش فلووس وكانت حالته كرب وما يتشافش

وما كانش عايزك تشوفيه كده وهو فى الحاله دى)

18-اسف يا حبيبتى انى مقدرتش اجى فى المعاد امبارح كان عندى ظروف صعبه

(معزور الولد افتكر معاد البنت التانيه اللى بقاله 3 اسابيع مأجلها)

19-عارفه يا حبيبتى انا طول الليل منمتش قاعد بفكر فيكى بس على ميين ترد

عليه تقوله اومال مين اللى كان نايم و مبيردش على التليفون؟بس كالعاده الرد

جاهز

(ياااه انتى تقصدى الخمس دقايق اللى نمتهم دوول؟دول من كتر التفكير

فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده (اصلاالنت من غيرك ما يسواش(يقصد مش بفتح البلوك عنك الا اما تمشى)

استنوا الجديد عن البنات

[/b][/center]

_________________

soma

هههههههههههههههههههههههه ايه يا مادو ده بس لعلمك مش كل البنات بتصدق الكلام ده ههههههههههههههههههه فخلى بالك بقى ههههههههههههههههه تسلم على الموضوع

_________________

**MADO**

هههههههههه
مهو برضو علشان ياخدو بالهم
عموما ميرسي اوى وانا مبسوط انك اول واحده ترد على التوبيك

_________________

soma

ههههههههههههههههههه ماشى يا مادو هياخدوا بالهم متخافش هههههههههههههه

_________________

nehal

ههههههههههههههههه بتشجع البنات ضدك على العموم الكلام دمه خفيف

**totti**

هههههههههههه
ايه ده هى البنات تافها اوى كده ههههههههه
ميرسى يا مادو

_________________

**MADO**

تخيلى التفاهه هههههههههه

_________________

**totti**

اه والله يا سومه

_________________

emyy

هههههههههههههههه جميله اوي يا مادو

بس فعلا مش كل البنات بتصدق الكلام ده

مرسي ليك يا جميل الموضوع يجنن

_________________
انا متغيبه عن المنتدي لمده 10 ايام

اراكم بعد الــــ 10 ايام ان شاء الله

[/b]

MiDo_TiTo

شكرااااااااااااااااااا يا مااااااادو

بس كده البنااااااااااااااات هتزعل

**MADO**

العفو يا ايمى و ردك منور فى التوبيك

----------

ميدوووووووو

انا مقدرش ازعل البنات

دانا اموت نفسي

ههههههه

_________________

nehal

لا والنبى احنا زعلنا روح بقى مووووووووووووووووووت نفسك
بليييييييييييييييييييييييييز

_________________